وجّه الداعية الإسلامي المصري وجدي غنيم البارز رسالة إلى النائب العام طالب فيها بالحجز على أموال الرئيس المصري محمد حسني مبارك.
وقال الشيخ وجدي غنيم : "لقد سمعنا قبل أيام عن موقف للنائب العام المصري بخصوص تجميد أموال أحمد عز، ونحن نقول أين النائب العام من زعيم العصابة" على حد وصفه.
وأضاف غنيم بلهجة مصرية عامية: "يعني مثلا هناك بلاغ لمجلس الشعب بيقول بالنص الحكومة الأمريكية وشركة مرسيدس العالمية قدموا رشاوى لمسئولين مصريين وصفوا بأنهم كبار لتسهيل الاستيراد من الشركة ولقد وقعت الحكومة الأمريكية غرامة بقيمة 185 مليون دولار على الشركة نتيجة مخالفتها فأين أنت أيها النائب العام من هذا الكلام".
وأردف غنيم: "يا سيادة النائب العام ديون مصرالتي بلغت إجمالي 614 مليار جنيه طب تعالى نشوف ثروة المجرم الحرامي الي اسمه حسني مبارك بلغت اد ايه قالت صحيفة الجارديان البريطانية إن ثروة حسني مبارك وعائلته تتراوح بين 40 و70 مليار دولار وأوضحت أن هذه الثروة موزعة ما بين أرصدة في بنوك سويسرا وعقارات في بريطانيا وامريكا ومصر، طب بتاع كفر مصيلحة ده الي اشتغل طيار ده جاب من 40 إلى 70 مليار جابهم منين".
وقال: "فين انت يا سيادة النائب العام المفروض تدي قرار ان هذا المجرم لابد انه يتحاكم، ولا المجرم الي رايح عشان يتعالج على حساب البلد بره وبيتدلع طبعا واخد معاه واحد من احد البنوك الاجنبية وراح للوزيرة التلاوي وقالها عايزين نحول 200 مليار جنيه من اموال المعاشات من احد البنوك المصرية للبنك الاجنبي وهي وقفت وطردته من مكتبها".
وأضاف غنيم: "يا سيادة النائب العام مش فيه 1272 مليار جنيه أرصدة الصناديق الخاصة سنة 2008 و2009 راحت فين الفلوس دي يا ناس حسبنا الله ونعم الوكيل المفروض الي يتحاكم على ذلك كله المحرم حسني مبارك لأن هو الي سرق وخلى الي حواليه كلهم يسرقوا ودلوقتي المصري الغلبان يفضل 7 سنين مش لاقي شغل ويروح يدور في الزبالة وانتوا اعدين تاكلوا في فلوس الشعب وحسبنا الله ونعم الوكيل فيكم جميعا".
المشاركات
ليست هناك تعليقات:
إرسال تعليق