حضرات الأخوه والأخوات
قالوا زمان اللى اختشى مات
من منطلق الحكمه دى جاى بجلد تخين ولا أتخن حيط
بستأذنكم تاخدوا فلوسكم وتسامحونى يا شعب عبيط
30 سنه فاتوم فى ثوانى
وماكنتش هاترشح تانى
وجمال همشنى وخلانى زى الأراجوز ابو زعابيط
بستأذنكم تاخدوا فلوسكم وتسامحونى يا شعب عبيط
وافتكروا ان انا برضه زعيمكم
ومدلعكم ومهننكم
فيها إيه يعنى اما اخد منكم كام مليار واعمل لى رصيد!!
بستأذنكم تاخدوا فلوسكم وتسامحونى يا شعب عبيط
باعترف انى سرت فلوسكم
بس ده حقى..(ضريبة الخبره)
وتعبت كتير وانا ريسكم علشان اءمن ليكم بكره
يبقى جزاتى انتهى فى سجونكم وابقى لغيرى مجرد عبره
يعنى ده هو ضمانكوا ان انتوا ما يحكمكوش تانى الطواغيت
بستأذنكم تاخدوا فلوسكم وتسامحونى يا شعب عبيط
عيشتكوا فى سلام وأمان
وحميتكم من أى حروب
وعدوكوا حبكوا علشان صدرت له اسمنت وطوب
وعشان يبنى جداره العازل.. احمد عز اداله حديد
بستأذكم تاخدوا فلوسكم وتسامحونى يا شعب عبيط
ومنعت حماس والإرهاب يتخطوا حدودنا المصريه
وقفلت ف وشهم الباب.. خفت عليكوا من الحراميه
جايين يسرقوا قوت أولادكم ويوقعوا نهضه اقتصاديه
حققناها بتصدير غازكم إلى ليفى وباراك وشاليط
بستأذنكم تاخدوا فلوسكم وتسامحونى يا شعب عبيط
قدروا إنى مشيت بالراحه
ماستخدمتش جيشى معاكم
أعلنتها وبكل صراحه..(هاتنحى حقنا لدماكم)
ومموتش منكوا كتير.. ومكملتش ألف شهيد!!
فاستأذنكم تاخدوا فلوسكم وتسامحونى يا شعب عبيط
قدروا إنى ف سن أبوكم
واحترموا شيبتى يا أولادى
واياكم واللى يغشوكم ويقولوا محاكمتى شيئ عادى
وان الشرع عشان يحميكم لازم جلد وقطع أيادى
وحديث فاطمه وقطع إديها مش معناه مايبقاش فيه وسيط
بستأذنكم تاخدوا فلوسكم وتسامحونى يا شعب عبيط
بعد ده كله (لابد تلينوا)
واوعوا تقولوا مش سايبينه
ده اللى يسامح الله يعينه، واللى يضر عقابه شديد
عارف شعبى اكيد هيسامح علشان يثبت إنه...
عبيط
المشاركات
ليست هناك تعليقات:
إرسال تعليق